Ný skipan Alþingis. Gæti hún litið svona út?

Grundvallar breytingar á skipan Alþingis verði gerðar með það að augnamiði að draga úr ægivaldi stjórnmálaflokkanna en jafnframt til að gera hinum almenna borgara kleift að taka virkan þátt í skipun Alþingis án þess að neyðast til að taka þátt í starfi stjórnmálaflokka.  Markmiðið er jafnframt að laða að stjórnmálum hæft fólk með reynslu úr lífi og starfi.  En draga jafnframt úr þeirri einsleitni sem einkennir ungliða flokkana í dag.  Markmiðinu mætti hugsanlega ná með neðangreindum breytingum á kosningalögum, lögum um stjórnmálaflokka og þá væntanlega stjórnarskrá.

• Þingmönnum verði fækkað úr núverandi 63 í 30.

Tilgangur:

Sparnaður

Skilvirkari stjórnun

Minnkar líkur til að smáir þrýstihópar geti komið fyrirgreiðslupólitíkusum inn á þing. (Ef kjörbærir eru segjum 200þús og kosningaþáttaka 80%, eru ca 5300 atkvæði á bak við hvern þingmann.

• Núverandi kjördæmaskipan verði lögð af og landið gert að einu kjördæmi.

Tilgangur:

Lágmörkun fyrirgreiðslupólitíkur og kjördæmapots.

Jöfnun atkvæðisréttar landsmanna(Við tilheyrum jú öll sama klúbbnum).

• Kjósandi skal velja nafn þess aðila er hann vill sem sinn fulltrúa til Alþingis.

Þetta er útfærsluatriði en til dæmis mætti hugsa sér að til að bjóða fram lista í kosningum þurfi 3 til 4% atkvæðabærra manna að skrifa á undirskriftarlista til stuðnings framboði en ½ til 1% til stuðnings einstakling sem vill skrá sig á kjörseðil undir framboðslista.

Tilgangur:

Að gera einstaklinginn virkan í vali á fulltrúum sínum.

Að draga úr valdi stjórnmálaflokka.

• Framlög Ríkissjóðs til stjórnmálaflokka verði afnumin með öllu.

Tilgangur:

Að draga úr valdi stjórnmálaflokka.

Að jafna möguleika til alþingisframboðs.

Stjórnmálaflokkar verði félagasamtök eins og Lions eða Kiwanis en ekki núverandi ,,fretkarlaelítur” með tilheyrandi foringjadýrkun.  Stjórnmálaflokkar á Íslandi í dag  eru hættulegir lýðræði og málfrelsi.

• Auglýsingar frambjóðenda og kosningabandalaga(stjórnmálaflokka) verði með öllu  bannaðar.  (Aðferðir þróaðar til að jafna aðgengi frambjóðenda að fjölmiðlum).

Tilgangur:

Að draga úr valdi stjórnmálaflokka.

Að jafna möguleika til alþingisframboðs.

Að auka aðhald þingmanna og minnka möguleika hagsmuna aðila til að hafa áhrif á þá með því að gera þá fjárhagslega háða aðilum út í samfélaginu.

• Ráðherrar sitji ekki á þingi en séu ráðnir á faglegum forsendum(Útfærsla á vali nauðsynleg).  Ráðherrar verði ábyrgir framkvæmdastjórar málaflokka fremur en pólitískir  fulltrúar.  Ráðherrar hafi áheyrnar og málsrétt en ekki atkvæðisrétt á         Alþingi og þurfi  að standa skil á gjörðum sínum við Alþingi.

Tilgangur:

Að laða okkar hæfasta fólk til verka(Fagfólk með þekkingu á málaflokki).

Að draga úr valdi stjórnmálaflokka.

Að auka gegnsæi

Að gera kerfinu kleyft að láta stjórnendur sæta ábyrgð.

Að draga úr vægi hagsmunasamtaka og þrýstihópa á ráðherra með litla reynslu og þekkingu á

málaflokki.

• Að ráðherrum sé skilt að gera opinber öll eigna- og fjölskyldutengsl er tengjast þeim málaflokki er þeir sinna.

Tilgangur:

Að losa okkur við siðblinda og spillta aflóga stjórnmálamenn úr helstu valdastofnunum samfélagsins, sem skammta sjálfum sér af eignum okkar blygðunarlaust án þess að taka ábyrgð á gjörðum sínum.

Að almenningur viti eitthvað um fólkið sem fyrir hann starfar.  (Hvað á Árni Matthiesen mikið í Byr??,  Hver er staða Þorgerðar Katrínar gagnvart Kaupþingi??, og fleiri og fleiri dæmi)

• Að þróað verði kerfi sem gerir almenningi kleift að fylgjast náið á einfaldan hátt með störfum og gjörðum þingmanna.  Til dæmis þar sem hægt væri að skoða í töflu hvernig einstakir þingmenn verja atkvæði sínu í þinginu og tengill við viðkomandi frumvörp.  Jaframt verði þingmönnum gert skilt að gera grein fyrir afstöðu sinni til ákveðinna málaflokka, sú afstaða sé á netinu á stöðluðu formi með tenglum við atkvæðagreiðslur er málaflokkinn varða í skjalinu.

Tilgangur:

Að gera almenningi kleyft að fylgjast með framgöngu fulltrúa sinna.

Að gera almenningi fært að velja fulltrúa eftir þekktum stærðum en ekki einungis eftir kjaftablaðri.

Að gera lýðræðið gagnsætt.

• Að löggjöf verði sett um kosningar um mikilvæg mál og útfærslu þeirra vegna mikilvægra mála er brenna á Þjóðinni

Tilgangur:

Að auka vægi þegnanna.

Jón Þorvarðarson

—————————

Fundið fé

Landsíminn var seldur fyrir 3 árum og ætlunin var að nota andvirðið í dýrar framkvæmdir, hátæknisjúkrahús og Sundabraut meðal annars. Ekki hefur orðið af þeim og þær hljóta að verða í salti um sinn. Mín hugmynd er sú að nýta þetta fé til að mæta tapi lánastofnana svo hægt sé að frysta verðtryggingu á íbúðalánum meðan mesta verðbólgan geisar. Ef þessir peningar hafa verið vel ávaxtaðir (vonum það) gætu þessir 67 milljarðar verið nú 90-100 milljarðar. En hvaðan sem féð kæmi hlýtur að vera hagur allra að fólk haldi heimilum sínum og sjái sér hag í (og getu) að halda áfram að greiða lánin.
Sólveig Jóhannsdóttir

—————————

Ráð gegn verðbólgu og vaxtaokri

1. Það er mikið réttindamál að allar tekjur séu skattlagðar á sama hátt.
2. Fjármagnseigendur hafa rakað inn fjármagnstekjum undanfarna áratugi með allt að 17% styrivexti á kostnað skuldara.
3. Fjármagn sem er verðtryggt ber enga áhættu fyrir fjármagnseigendur.  Þetta fjármagn ber allt að 7,7% umframverðbólgu.  Hvergi í heiminum er hægt að fá aðra eins ávöxtun án áhættu.  Þó að þessar vaxtatekjur yrðu skattlagðar, þá væri ávöxtunin ennþá með því hæðsta sem gerist í heiminum
4. Þetta er þekkt aðferð á norðurlöndunum og ekki er vitað til þess að þetta leiðir til streymi fjármagns útúr landi
5. Þetta hvetur fjármangseigendur til að leita betri leiða til ávöxtunar, t.d. með því að fjárfesta í fyrirtækjum
6. Fyrirtækin þurfa fjármagn og ekki síst sprotafyrirtæki
7. Ávötunarkrafa á áhættufjármagn mun lækka töluvert

—————————

SMS kosning eða heimasíðukosning að hætti Sviss

Komið sæl og þakka fyrir málefnalega og góða fundi

Eftirfarandi eru bæði hugmyndir og spurningar til ráðamanna sem okkur hafa borist:

• Hvað myndir þú gera, kæri ráðamaður, ef þú misstir hús, allar eignir og atvinnu? Færir þú úr landi eða?
• Er ekki ráðlegt að losa sig við krónuna strax?
• Skiptum yfir í Evrur , þær eru hærri gjaldmiðill!
• Arkítektar gamla Íslands verða að víkja og þeir grandvöru einstaklingar sem verið hafa á hliðarlínunni eiga að koma inn á. Spilling, afdrifarík mistök leiði til afsagna STRAX! Ég vil sjá óánægða Íslendinga flykkja sér í gömlu flokkana og standa fyrir hreinsun þeirra. C.F.
• Afhverju getum við ekki bara skipt í norskar krónur þangað til að okkar gjaldmiðill verður sterkari? Afhverju fengum við lánaðan svona mikinn pening? Sylvía Lind Briem 12 ára - að verða 13
• Er ekki ástæða til að hafa fastan dálk í dagblöðum til að skýra út ástandið - og að ríkisstjórnin hafi sérstakan talsmann sem komi boðum til manna daglega og svari spurningum?
• Orkuveitan sparar ekki á götuljósum. Afhverju lætur orkuveitan loga á götu- og stígaljósum um hábjartan dag? Ítrekað, svo dögum skiptir?
• Hvenær á að afnema lög og reglur sem ýta undir og borga með jeppaeigendum á fölskum forsendum?
• Hvenær á að breyta lögum og reglum sem ýta undir einkabílarekstur fram yfir göngu, hjólreiðar og almennar samgöngur? Hlunnindaskatt burt og strætó-, göngu- og hjólreiðastyrk (þetta er til en er skattlagt umfram ökutækjastyrki eða gjaldfrjáls bílastæði).
• Frysta og gera upptækar innlendar og erlendar eignir þeirra 20-30 landráðamanna sem hafa eyðilagt efnahagslegt sjálfstæði Íslendinga og stofnað stjórnarfarslegu sjálfstæði í yfirvofandi hættu. Nota þessar eignir til að greiða þeim sem hafa tapað innistæðum í bönkunum.
• Ríkisstjórnin framkvæmi eftirfarandi strax: Árni Björn Guðjónsson
  • Að tekin verði upp evra í staðin fyrir krónu strax.
  • Að ósanngjörnum kröfum erlendis verði hafnað,og þeir sem með réttu eiga kröfur á Ísland verði látnir hafa hlutabréf í Landsbankanum eða öðrum íslenskum banka upp í kröfuna.
  • Þeir sem fara á atvinnuleysisbætur fari að vinna hjá útflutningsfyrirtækjum að sölumálum.