Aðstandendur Opins borgarafundar þakka fyrir vel heppnaðan og skemmtilegan fund á hótel Selfossi 26.janúar. Um það bil 150 manns mættu á fundinn.

Frummælendur á fundinum voru Sigríður Jónsdóttir, Hallgrímur Helgason, Ásta Rut Jónasdóttir og Svanborg Egilsdóttir. Á pallborðið mættu þingmennirnir Björgvin G. Sigurðsson, Atli Gíslason, Grétar Mar Jónsson, Kjartan Ólafsson og Björk Guðjónsdóttir. Erindi frummælenda voru áhugaverð og skemmtileg. Mestu undirtektir fékk ræða Hallgríms Helgasonar.

Fundargestir tóku virkan þátt í fundinum og urðu fjörlegar umræður milli þeirra og þingmanna. Athygli vakti hve vel undirbúnir fundargestir komu til fundarins. Fundargestir voru með ahyglisverðar fyrirspurnir og nokkrir komu með góð ráð og lausnir sem þingmenn tóku fagnandi og sögðust ætla að taka tillit til.

Nú munum við halda Opinn borgarafund á Hótel Selfossi, mánudaginn 26. janúar kl 20-22. Við hvetjum íbúa Suðurlands að fjölmenna á fundinn.

Rútuferðir

Kl. 18:30 fer rúta frá Borgartúni 3 og hvetjum við íbúa höfuðborgarsvæðisins að fjölmenna austur fyrir fjall. Vegna takmarkaðs sætaframboðs er hinsvegar nauðsynlegt að panta sæti í rútuna. Það gerið þið með því að senda póst á borgarafundur@gmail.com þar sem fram verður að koma nafn, fjöldi sæta og símanúmer.

Fundarefni

Staða þjóðarinnar. Fortíð - Nútíð - Framtíð.

Frummælendur

• Hallgrímur Helgason - rithöfundur
• Sigríður Jónsdóttir - bóndi, kennari og skáld
• Ásta Rut Jónasdóttir - Formaður Hagsmunasamtaka heimilanna
• Svanborg Egilsdóttir - yfirljósmóðir.

Auk þess er öllum þingmönnum suðurlands, sýslumanninum í Árnessýslu, heilbrigðisráðherra og félagsmálaráðherra boðin þátttaka í pallborðsumræðunum.

Fyrirkomulag

Fundarform verður með sama sniði og áður, þegar frummælendur hafa lokið máli sínu er orðið gefið laust og fundargestir úr sal fá að tjá sig eða spyrja þátttakendur í pallborði spurninga. Hver aðili hefur tvær mínútur til að tjá sig svo gott er að vera vel undirbúinn.

Sýnum samstöðu og borgaralega virkni og fjölmennum á fundinn.

Spyrjum, hlustum og fræðumst.

Aðstandendur Opins borgarafundar þakkar fyrir vel heppnaðan fund í Háskólabíó í gær. Stóri salurinn var fullur og hátt í 300 manns sátu í andyrinu og fylgdust með fundinum af flatskjám. Erindi frummælenda voru mjög áhugaverð og vöktu mikla lukku fundargesta.

Að þessu sinni fengu frummælendur lengri tíma en áður, þar sem að erindin voru að þessu sinni flest til að uppfræða, en minni tími var þá fyrir spurningar og svör.

Fundurinn hefur fengið mikla athygli í fjölmiðlum og má m.a. nefna að fulltrúar forsætisráðuneytisins og viðskiptaráðuneytisins munu hitta Robert Wade, einn frummælenda, á morgun.

Erindi frummælenda eru komin á vefinn og er að finna undir liðnum Frummælendur.

Myndbandsupptökur munu koma á vefinn eins fljótt og auðið er.

Að vanda festi Gunnar Gunnarsson fundinn á filmu og er hægt að skoðamyndirnar undir liðnum Myndasafn.

Í Háskólabíó, mánudaginn 12. janúar kl 20-22.

Fundarefni

Íslenskt atvinnulíf í aðdraganda kreppunnar, spurt er hvað fór úrskeiðis og fjallað verður um hriplekt lagaumhverfi og veikar eftirlitsstofnanir.

Frummælendur

• Robert Wade - prófessor í stjórnmálahagfræði við London School of Economics
• Raffaella Tenconi - hagfræðingur hjá Straumi fjárfestingarbanka í London
• Sigurbjörg Sigurgeirsdóttir - stjórnsýslufræðingur
• Herbert Sveinbjörnsson - heimildamyndagerðarmaður og aðgerðarsinni

Auk þeirra hefur formönnum stjórnmálaflokkanna og Viðskiptaráði Íslands verið boðin þátttaka í pallborðsumræðunum.

Fyrirkomulag

Fundarform verður með sama sniði og áður, þegar frummælendur hafa lokið máli sínu er orðið gefið laust og fundargestir úr sal fá að tjá sig eða spyrja þátttakendur í pallborði spurninga. Hver aðili hefur tvær mínútur til að tjá sig svo gott er að vera vel undirbúinn.

Rétt er að taka fram að enskumælandi frummælendum verður gert kleift að svara spurningum sem bornar eru fram á íslensku með aðstoð túlks, og erindi þeirra og svör verða sömuleiðis þýdd á íslensku.

Spyrjum, hlustum og fræðumst.

Sýnum samstöðu og borgaralega virkni og fjölmennum á fundinn.

Opinn borgarafundur #8 - frekari upplýsingar

OPINN BORGARAFUNDUR #7
Í Iðnó, fimmtudaginn 8. janúar kl 20-22.

Fundarefni: Mótmæli (ólík viðhorf, ólíkar aðferðir, sömu markmið?), aðferðafræði mótmæla og borgaraleg óhlýðni.

Frummælendur

• Hörður Torfason - Raddir fólksins
• Eva Hauksdóttir - Aðgerðasinni
• NN anarkisti
• Stefán Eiríksson - Lögreglustjóri höfuðborgarsvæðisins

Auk þeirra munu Katrín Oddsdóttir, laganemi og talsmaður Neyðarstjórnar Kvenna, Sigurlaug Ragnarsdóttir fyrir hönd Nýrra tíma og Þórhallur Heimisson, prestur, taka þátt í pallborðsumræðum ásamt fleirum og svara spurningum viðstaddra.
Þá hefur Birni Bjarnasyni dómsmálaráðherra sérstaklega verið boðin þátttaka í pallborðsumræðunum.
Hvetjum ríkisstjórn Íslands og alla alþingismenn til að mæta á svæðið, hlusta á sína kjósendur og vera með í umræðunni. Hvetjum ennfremur alla fjölmiðlamenn og konur til að mæta og taka þátt.

Fyrirkomulag
Fundarform verður með sama sniði og áður, þegar frummælendur hafa lokið máli sínu er orðið gefið laust og fundargestir úr sal fá að tjá sig eða spyrja þátttakendur í pallborði spurninga. Hver aðili hefur tvær mínútur til að tjá sig svo gott er að vera vel undirbúinn.

 
Við hvetjum fundargesti til þess að mæta tímanlega vegna takmarkaðs húsrýmis.
Sýnum borgaralega virkni og fjölmennum á fundinn. Spyrjum, hlustum og fræðumst.