Myndir frá borgarafundinum í Háskólabíó 8. desember eru komnar inn á vefinn. Þær er að finna undir tenglinum Myndasafn hér að ofan.

Myndir frá borgarafundinum á NASA eru komnar á vefinn og má finna undir tenglinum Myndasafn hér fyrir ofan.

Halla Gunnarsdóttir blaðamaður flutti eftirminnilegt ávarp á opnum borgarafundi í Iðnó 8. nóvember. Ávarpið er hægt að nálgast hér í fullri lengd: Kæri Björgólfur

Borgarafundurinn í Iðnó á laugardaginn heppnaðist framar vonum og var fullt hús auk þess sem fólk safnaðist saman fyrir utan, til að hlýða á umræðurnar. Frummælendurnir *Lilja Mósesdóttir* hagfræðingur, *Pétur Tyrfingsson* sálfræðingur, *Ingólfur H. Ingólfsson* fjármálaráðgjafi og *Halla Gunnarsdóttir* blaðamaður, fluttu feiknagóðar ræður. Eftir það tóku við snarpar umræður þar sem fólk tjáði skoðanir sínar og beindi spurningum til fulltrúa stjórnmálaflokkana á Alþingi, en fyrir þeirra hönd mættu: Ágúst Ólafur Ágústsson, Illugi Gunnarsson, Magnús Þór Hafsteinsson, Steingrímur J. Sigfússon, Valgerður Sverrisdóttir.

Á næstunni mun svo birtast myndskeið af fundinum og einnig má benda á að hljóðritun hans verður flutt á Rás 1 næstkomandi þriðjudag kl. 21:00 í þættti Ævars Kjartanssonar: Í heyrandi hljóði.

Aðstandendur fundarins vilja einnig koma fram kærum þökkum til allra sem sáu sér fært á að mæta, hvort sem þeir voru innan eða utan veggja Iðnó.

Hér eru nokkrar myndir frá fundinum en fjöldi fleiri mynda er að finna undir tenglinum Myndasafn hér að ofan.